سولماز نراقی: اذان مرگ

نظرها

• مصطفی زاهدی

  ۳۱ اردیبهشت ۱۴۰۴، ۱۱:۲۲

  بانگی مەرگ ن: سۆلماز نەڕاقی و: مستەفا تێبینی: بە پێی یاسای کۆماری ئیسلامی ئێران، ئیعدامەکان لە بەرەبەیان و لەگەڵ بانگی بەیان جێبەجێ ئەکرێن. شاعیر بە دروستکردنی پاڕادۆکس لە نێوان بانگی بەیان و جێبەجێکردنی سزای ئیعدام لە بەرەبەیان لە زیندانەکانی ئێران، توندووتیژی سیستەم بە پێی فەرمانە ئایینییەکان بە وێنا ئەکێشێت و باسی ئەکات. سروشت مرۆڤ بۆ چاکە بانگ ئەکات، بەڵام وەڵامی ئینسان خوێنڕشتنە و ئەم دووبارە بوونەوەی مەرگە، بێهیوایی دروست ئەکات، خوداش بێ هیوا ئەکات و مرۆڤیش لە خودا هیوابڕاو ئەبێت. - هەستە! - کێی تۆ؟ زرینگایەوە بانگی بەیان لەو بەیانییە سوورەدا - لەگەڵ تۆمە! - کێی ؟ - کەڕ بووی؟ هەستە! بزانە خوا چەند گەورەیە، گەورەیە، گەورەیە، گەورەیە، گەورەیە! هەمدیسان بانگی بەیان بە ئارامی لە لق و پۆی دارەکان ئاڵا اشهد أن لا اله الا الله - لەگەڵ تۆمە! هۆۆی! لەگەڵ من؟ - یان شایەتیمان بێنا یان بمرە - یان شایەتیمان بێنا یان بمرە! جریوەی بەکۆمەڵی چۆلەکەکان لەسەرخۆ و ئارام تێکەڵبوو بە بانگی بەیان حی علی خیر العمل نا، نا! دەنگی مرۆڤ وەها نییە - تۆ کێی؟ - بەیانییە نابینی؟ بەرەبەیانە! کاتی رۆح کێشانە وتیان اشهد أن لا اله الا الله وتی یان شایەتیمان بێنا یان بمرە... وتیان حی علی خیر العمل وتی هەستە بۆ کاری چاکە... وتیان قد قامت الصلاه وتی هەستە بۆ کوشتنی ئینسانێک... وتیان لا اله الا الله بانگی بەیان لە بەرەبەیانی سووردا تیکەڵ بە خوێن بوو خودا بوو بە بێ هیواییەک، بێ هیواییەک و بێهواییەک و تەواو